شفاعة ابونا سمعان ارسلت له البطاقة لغاية باب بيته

تحكى احد اعضاء الجروب ابونا سمعان

بشفاعة وبركة القديس العظيم خطيبى نجح واتخرج اخيرا بعد عناء طويل رغم عدم للاجابة الجيدة فى الامتحانات
ومحفظتة ضاعت ولف كذا يوم على السجل المدنى والجامعة علشان يطلع بدل فاقد و بسبب ان الشهادة لسة ماطلعتش فمش راضين يختموا الورق من الجامعة وكان الحال واقف وكناهناقابل مشكلة تانية بسبب كشف الجيش الاسبوع ده وماكنش هاينفع من غير البطاقة وما كناش عارفين نعمل ايه بس لان الدنيا بجد كانت قفلت فى وشنا وبدأنا نحبط وكنا خايفين مايلحقش يخلص الورق بتاع الجيش بسبب البطاقة وكدا يبقى فاقد دفعة

وطلبت من ابونا سمعان انه يساعده فى الورق ده يخلص بسرعة او حد يلاقى الحاجة ويبعتهاله وفعلا الحمدالله حد ابن حلال بعتله البطاقة على البيت
وده اكيد ببركة ابونا سمعان والحمدالله ان ابونا سمعان بعتهالنا
وانا متأكدة بجد انها بركة ابونا سمعان لأن الموضوع كان بقاله كذا يوم وفى اليوم اللى بدأنا فعلا يجلنا احباط جامد وحاسينا ان كل حاجة عمالة تتعقد طلبت منه قلت له من فضلك يا ابويا انا عارفة انك هاتحلها من عندك بعدها بحبة قليلة ويمكن اقل من ساعة البطاقة جات على البيت فا اكيد ديه بركته وانشاءالله بركة صلواته دايما تعمل الصالح لينا اتشفعوا بيه كلكم بجد هايرتاح قلبكم