ابونا سمعان اشترى لى عربية جديدة مناسبة ‏

انا كان عندي عربيه صغيره بس كانت قلبها كبير و كانت بتشيل كتير الصراحة ..
و كنت بستخدمها في مشاوير كتير بس نظرا لانها صغيره و كانت قريبه من الارض و كانت
اعطالها بتزيد خصوصا انها موديل سنه 1992 فكان نفسي في عربيه
مشاويري سفر للقاهره معظم الوقت عشان كنت
بقدم في كليه الطيران في مطار 6 اكتوبر و مشاوير تانيه في طرق غير ممهدة زي مناطق
ابيس باسكندرية و كفر الدوار و كان الصراحة نفسي في عربيه تكون واسعه عشان تساعدني في الخدمة الخاصة بالانبا
كاراس لان اوقات كتير كنت بنزل مع خدام تانين نجيب حاجات للانبا كاراس و بتبقي
بأوزان و باعداد كبيره .. المهم والدي كان نازل انتخابات مجلس الشعب و كنا اتزنقنا
في عربيه خصوصا انه عربيته الخاصة كنا عملنا فيها حادثة و رب المجد اتمجد و طلعنا
كويسين بشفاعه الانبا كاراس بس كانت لسه بتتصلح و مكنش معانا اي عربيه و نظرا لان
احنا من الاسكندريه و بابا كان مرشح في دايره في الضواحي .. فالمهم كلمت ناس كتير
صحابي و كان بتجيلي عروض كتير بس اللي كانت عملت حادثة و اللي كانت غاليه و كان في ليه حد من اعز اصدقائي اتعرف علي ابونا سمعان و ابونا سمعان اشتغل
معاها كويس قالتلي اني اتشفع بيه فا ندهت عليه قلتله انت شايف اللي انا فيه و
ياريت تتصرف عشان انا مزنوق و بالفعل بعد حوالي اسبوعين و بالصدفه بعتلي عربيه
باسم الصليب حديثه وواسعه و قويه و عاليه علي الارض و ساعدتني في كل المشاير اللي
بروحها و كمان كان سعرها كويس وانا كنت نادر اني اكتب المعجزة دي و كمان في معجزة
تانيه انا واثق انها هاتحصل و انشاء الله اكتبها اول ماتحصل بركه ابونا سمعان تكون معانا كلنا امي