موقع القديس العظيم ابونا سمعان الانبا بولا يرحب بكم للتسجيل فى الموقع اضغط على زر التسجيل

أخذ براءة عند النطق بالحكم

اذهب الى الأسفل

أخذ براءة عند النطق بالحكم

مُساهمة  koko في الخميس يونيو 30, 2011 2:04 am

معجزة لأخو احد اعضاء جروب ابونا سمعان اخذ براءة من القضية وده كان مستحيل وهيحكى لنا ايه
حصل معاهم + هذا نص رسالته
بسم الثالوث القدوس
...أنا أحد أعضاء جروب القديس العظيم أبونا سمعان الأنبا بولا القديس العظيم سريع التدهة جداً وده عن تجربة شخصية .
أنا أخويا كان واقع فى مشكلة صعبة جدا وأتحلت فى البداية بسهولة خالص وبعد فترة لقينا المشكلة دى اتفتحت تانى... وبقيت قضية كبيرة وهو كان مظلوم فيها خالص ، والمحكمة كانت هتحكم ضده هتحكم ضده وده كان مؤكد خالص لأن الناس دى مش بتهزر . فمن ساعة ما عرفت ان المشكلة اتفحت تانى أول واحد جه فى بالى وأتشفعت بيه هو أبونا سمعان الأنبا بولا وخاصة انى أعرف عنه الكثير والكثير من المعجزات وقريت عنه كتير ، وقولتله كده: يا أبونا سمعان القضية دى بتاعتك انت يا سريع الندهة وكان عندى ثقة غير عادية فيه وانه هيدخل وهيحل المشكلة وقررت أنى اعمل تمجيد كامل لأبونا سمعان يومياً وفى كل صلاة كنت اصليها أو انا وماشى فى الشارع كده أصليله وأقوله يا أبونا سمعان نجى أخويا من القضية دى ، وقولت يا عدرا خدى أبونا سمعان طيف الملاك ده وأقفوا مع أخويا ، ومن كتر صلاتى وتشفعى بأبونا سمعان كنت بحس أنه قريب منى جدا جدا وسامع كل كلمة بقولها ليه لدرجة من كتر ما كانت صورة أبونا سمعان فى ذهنى طول الفترة انى أتخيلت العدرا واخدة ابونا وسمعان ورايحة لاخويا فعلا يوم القضية . وأتحدد معاد النطق بالحكم بس أتأجل بعد كده ، واخير اتحدد المعاد للنطق بالحكم وجانا احلى خبر ببراءة اخويا وهذا كان امراً صعب جدا جدا بل شبه مستحيل بالنسبة لينا ولكن الغير مستطاع عند الناس مستطاع عند الله ، والله تمجد فعلا فى قديسه ابونا سمعان ووقف مع اخويا وجبله البراءة بس بجد كنت بطلبه وانا واثق فيه لدرجة غير عادية من كتر ما قريت وسمعت عنه وعن معجزاته وتدخل فعلا ابونا وحل المشكلة بخير ، ابونا سمعان بجد راجل بركة جدا جدا لكل اللى يطلبه ويتشفع بيه . اشكرك يا ابونا سمعان انك وقفت جنب اخويا ويارب تشفع فينا وتعينا دايما .
avatar
koko

عدد المساهمات : 54
تاريخ التسجيل : 12/10/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى