موقع القديس العظيم ابونا سمعان الانبا بولا يرحب بكم للتسجيل فى الموقع اضغط على زر التسجيل

غير ما بالاشعة من مرض خبيث

اذهب الى الأسفل

غير ما بالاشعة من مرض خبيث

مُساهمة  Admin في السبت فبراير 04, 2012 12:48 am

أبونا سمعان يوم عيده عمل معجزة مع شابة وغير ما بالاشعة من مرض خبيث ويمنع عنها عملية انها تشيل الرحـــم + معجزة رائعة

تحكى احد عضوات الجروب وكانت رسالتها :
معجزة ابونا سمعان معايا يوم عيدة
ن .أ 27 سنة
... يوم الاربعاء 17 اغسطس 2011 حسيت بالم فى بطنى جامد جدا طول النهار ومكنتش قادرة اتحرك فذهبت للدكتور تانى يوم وطلب منى اشعة على الحوض علشان انا اصلا شايلة الزايدة والمرارة ومفيش حاجة تانى ممكن يشك فيها ولما عملت الاشعة شاف الدكتور كيس على المبيض اليمين ولكن كبير جدا فى الحجم 10 سم ×8 سم والحجم دة غير طبيعى خالص وكررت الاشعة 3 مرات اخرى ونفس النتيجةوطلب منى الدكتور تحليل Ca 125 ودة بيبين ان كان فى cancer على المبيض وطلع التحليل عالى يعنى فى احتمال وجود المرض الخبيث ودة هيترتب علية ان ممكن الدكتور فى حجرة العمليات يكرر انة يشيل المبيض او الرحم ودة كان مؤلم جدا بالنسبة لى لانى لسة متجوزتش وبحب الاطفال جدا ودة معناه انى مش هخلف خالص وتعبت نفسيا جدا وقلت يارب لتكن مشيئتك انا مش هبخل بحاجة من جسمى انت عاوزها وكنت بحكى لصديق لى يوم عيد العدراء الصبح زعل خالص وقالى دة انهاردة كمان عيد ابونا سمعان اتشفعى بية ومش هتعملى العملية وقمت جبت التمجيد بتاع ابونا سمعان والعدراء من على النت وصليت التمجيد وقلتلهم مش عاوزة اشيل الرحم اى حاجة غير كدة مش مهم العملية اشيل الكيس بس كلة الا كدة وانا واثقة فيكم والملاك ميخائيل وندرت انى اصوم اسبوع زيادة لام النور كل سنة فى صيامها وندر لابونا سمعان والملاك ميخائيل
وتانى يوم ذهبت لدكتور جديد هعمل معاه العملية وطلب منى تحاليل اكثر دقة لمعرفة ما اذا كان المرض دة موجود فى المبيض ولا على الرحم كمان وكنت قلقانة جدا من نتيجة التحاليل والاشعة هتبين نوع الكيس وما بداخلة من خلايا علشان يحدد قبل مايفتح هيشيل اية واتحددت العملية يوم الخميس25 اغسطس
وليلة العملية اتصل بى ابونا وقاللى انا راجع من دير ابى سيفين كينج مريوط ومعايا جزء من رفاتة وافتكرتك دة جاى يطمنك وعاوز يشوفك قبل العملية وفعلا قابلت ابونا فى الكنيسة وهو راجع وحط رفات ابى سيفين على مكان الكيس وصلالى وقاللى متخافيش وذهبت بعدها للمعمل اجيب نتيجة التحاليل ان مفيش اى حاجة من المرض دة موجودة ولا على المبيض ولا على الرحم بس هعمل العملية علشان اشيل الكيس اللى طلع فى الاشعة الاخيرة فى نفس اليوم دة انة كيس دموى ودة اللى كان شكلة غريب فى الاشعة الاولى
وليلة العملية الدكتور كان مطمن جدا وانا كمان كنت فرحانة جدا لانى زى ما طلبت حصل معايا اعمل العملية واشيل الكيس بس ما اشيلش حاجة تانى
بشكر ام النور وابونا سمعان الانبا بولا والملاك ميخائيل على المعجزة دى وجوة العملية كنت تاعبة معايا ابو سيفين حبيبى اللى فى كل عملية بيبقى مع الدكتور وبقوم بالسلامة
avatar
Admin
Admin

عدد المساهمات : 170
تاريخ التسجيل : 25/08/2009
العمر : 27
الموقع : http://fr-samaan-st-paul.yoo7.com/index.htm

http://fr-samaan-st-paul.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى