ابونا سمعان مع طالب فى رابعة كلية سياحة و فنادق

ويكون الرب ملجأ للمنسحق ، ملجأ في أزمنة الضيق ، ويتكل عليك العارفون اسمك ، لأنك لم تترك طالبيك يارب " ( مزمور 9: 9- 10)

تحكى احد اعضاء الجروب ابونا سمعان

انا في رابعة كلية سياحة و فنادق- جامعة حلوان و كان عندي امتحان لدكتور صعب اوووووي و كنت خايفة من المادة دي اووووي وكنت حاطه شفيعها ابونا سمعان هو انا كنت مذكراها بس هيا مادة ماليانة اووووي و كنت كل شوية انسى اجزاء كتير منها و لحد لما كنت طالعه على باب اللجنة لما كنت اسمع اتنين بيتكلموا عن جزئية في المادة الاقيني مش فاكرة العنوان ده و بسأل هو ايه اللي هما بيقولوه ده ؟؟ دي انهي حته؟؟؟ خفت جداً لدرجة اني وصلت اللجنة و استلمت ورقة الاسئلة بس من كتر الخوف مقدرتش افتحها و بعدين بصيت لزميلتي اللي جنبي و سألتها الامتحان كويس ؟؟ قالتلي زففففففت ز بصيت لصورة ابونا سمعان اللي قدامي على البنش و قلتله انت اتصرف بجد و فتحت الورقة و عرفت كل الاسئلة تقريباً و كتبت كل العناوين الرئيسية في فهرس كراسة الاجابة بس اتصدمت ان نص الوقت عدى و انا حليت 3 اسئلة و فاضلي 5 مع العلم ان السؤال الواحد اجابته اكتر من 3 صفحات اتخضيت اووووي و بصيت للصورة و قلتله انت مايرضكش يا ابونا سمعان اكون فاكرة و عارفة الاجابة ومالحقش احل اتصرف ابوس ايديك و مكملتش كلامي لقيت دكتور المادة جه و قال متكتبوش شرح اختصروا بس احس انكوا مذاكرين و هتاخدوا الدرجة كاملة و زود وقت الامتحان ربع ساعه و دي حاجة مش واردة ابداً في كليتنا و ببركة ابونا سمعان حليت وكويس اوووي كمان وخلصت قبل نهاية الوقت الاصلي بربع ساعه كمان.
انا كنت نادرة اني ابعتلكم المعجزة دي على الجروب عشان كل الناس تعرف قد ايه القديس ده بركة لدرجة ان دكتور يدخل يقول محدش يشرح اختصروا و كمان يمد وقت الامتحان و حتى الوقت الاضافى لا احتاج له
منقول

اصل الموضوع/
شفيع المستحيلات تعين فى الامتحانات
https://fr-samaan-st-paul.yoo7.com/t137-topic