كتيرة هى بلايا الصديقين ومن جميعها ينجيهم الرب

يحكى احد الطلاب المصريين بايطاليا

انا مش عارف ابدأ اتكلم منين,,بس عايز اقول انى فرحان انا لسه حالا خارج من الامتحان واول حاجة عملتها انى بكتب المعجزة اللي حصلت معايا
, كان عندى 3امتحانات شفوى فى مواد اصعب من بعضها ودكاترتها صعبين جدا,وحصل ان مواعيد الامتحانات اتأجلت اكتر من مرة واتصادف ان ال3 امتحانات في يوم واحد في نفس المواعيد فحسيت انى في مشكلة كبيرة ومضغوط جدا,واعصابى تعب ففي وسط هذه الظروف النفسية السيئة كنت بتشفع دائما بابونا سمعان
فدخلت اول امتحانين شفوى..وعدوا بمعجزة كبيرة لان الدكتور بتاعهم بيكرهنى وبيكره المصريين,الدرجة ما كانتش حلوة اوى,لكن المهم انى انا المصري الوحيد اللي عدى في الامتحان ده النهارده وبعد كده دخلت علي طول الامتحان التالت وبقالي ساعتين بمتحن في امتحان شفوى واحد وكنت في غاية التوتر ونجحت فيه وجبت 25 من 30 ودى درجة ماكنتش احلم بيها لان الدكتور في حياته نادرا ما اعطى درجة زى دى وكمان مسقط 90% من الدفعة
بالفعل اللي حصل معايا دا شئ معجزى 100% لا ن مفيش اي حد من اللي معايا عرف يعدى حتى ولو من مادة واحدة من الثلاثة , حقيقي شكرا يا رب وشكرا لابونا سمعان
وانا فرحان جدا لانى بكده عديت في كل المواد وده يعنى انى هكمل الترم الجالى في ايطاليا
والنهارده الصبح اصريت انى اخذ صورة ابونا سمعان معي ولكن مالاقيتش جيب فى هدومى وفحطها جوه ال تى شيرت,بالفعل كان يوم صعب ولكنه ملئ بالمعجزات ,
اما عن موضوع مواعيد الامتحانات فبعد ما اتضبطت وكل امتحان بقي في يوم لوحده,رجعوا التلاته كلهم بمحض الصدفة في يوم واحد تانى فساعتها حسيت بيأس كبير,ولكن بعد كده فهمت مشيئة ربنا انى دا علشان احس بفرحة النجاح اكثر لانى عديت في 3 امتحانات اصعب من بعض في يوم واحد ,ومفيش ولا حد من اللي معايا عدى حتي في امتحان واحد
وبالصدفة اثناء اصعب امتحان كان في تصوير فصورتى طلعت في جريدة ( احد الجرائد الايطالية
الشهيره
giornale di Sicilia
ودى ذكرى من ربنا علشان لا انسى ابدا وقوفه جنبي في اصعب لحظات حياتى وانه لا يتركنى الي الابد,بركة شفاعة ابونا سمعان تكون مع الجميع