ابونا سمعان حبيب الاطفال

اولا عايزة اشكركم على الجروب الجميل دة وانا بصراحة مكنتش اعرف ابونا سمعان خالص لكن واحده قريبتى قالتى عليه وعلى شفاعته السريعة مع انى كنت بروح دير الانبا بولا كتير جدا لكن مش قادرة افتكره خالص ... و(انهاردة) اول اختبار ليا مع ابونا سمعان ، انهاردة الصبح صحى ابنى ( 3 سنوات ) سخن جدا فقست الحرارة كانت 38 ونص فاعطيته دواء شرب ولبوس خافضيين للحر...ارة لكن العجيب ان الحرارة زادت ووصلت 39.8 درجة فخفت جدا ...لانه اول مره حرارته تعلا بالطريقة دى وتلقائى قلت يا ابونا سمعان اشفيلى ابنى الكلام دة كان الساعة 3 ظهرا وجيت اقيسله الحرارة الساعه 8مساءً فكانت الحرارة 37.3 ( مع العلم انه اخد جرعه واحدة شراب خافض للحرارة ) لكن مش ممكن الدوا ينزل الحرارة بالسرعه دى ولا ينزلها لغاية 37 فعلى الاقل تكون 38 فشكرت ربنا وعملت تمجيد لابونا سمعان .... ممكن تكون الحكاية دى فى نظر البعض حاجة بسيطة بس هى كبيرة اوى ان القديسين يكونوا سامعينا وقريبين مننا خاصة انى كنت مرعوبة لدرجة خفت ان حرارته متنزلش ولا قدر الله يحصله حاجة وحشة لانى اعرف طفل اتوفى بسبب ان حرارته كانت 41 ومنزلتش ... فشكرا لله وشكرا للقديس ابونا سمعان
منقول