ببركة ابونا سمعان من التخرج الى الخطوبة

كنت في سنه التخرج وعرفنا ان نسبه النجاح كانت قليله اخدته معايا شفيع و رغم نسبة الرسوب العالية و صعوبة النجاح اتخرجت الحمد لله ببركة شفاعته .. طلبت شفاعته انه يطلب عني انا والانسان اللي اخترته ان ربنا يجمعنا وفعلا كنا فاقدين الامل بس شفاعته مسبتناش وفعلا ربنا كمل خطوبتنا ع خير
بعد الخطوبه علشان ظروف البلد كان خطيبي قرر انه يسافر بس مكنش في حل غير كده قدامنا وفعلا قدم الورق علشان يسافر بس الرد اتأخر اوي طلبت شفاعه ابونا سمعان في نفس الشهر جه الورق واستعد انه يسافرملقاش شغل بسهوله مع انه شاطر ومؤهله عالي وكان رافض انه يشتغل عامل لكن جه ع نفسه ووافق علشان يرجع بسرعه حالته النفسيه كانت وحشه بعت وطلبت صلاتكم علشانه وشفاعه ابونا سمعان فعلا اشتغل محاسب في شركه ببركه صلاتكم انا حبيت احكي ابونا سمعان وقف معايا ازاي علشان حسيت ان ده دين عليا زي ما طلبته ووقف معايا افرحكم ببركه شفاعته