ليتبارك اسم رب المجد يسوع المسيح فى كل شئ

انا مش عارف اشكر ابونا سمعان الانبا بولا ازاى نفسى اشوفه قدامى و اشكره انه دائما معايا و مش سايبنى و سامع لى انا الخاطى و بينفذلى كمان قلى انا بطلبه. انا اول مارحت الشغل امبارح قعدت اكلم ابونا سمعان الانبا بولا و قلتله انت عارف ان النهاردة يوم فى وسط الاسبوع و الشغل بيبقى قليل قوى فارجوك عاوز اروح برزق كويس علشان صاحب الشغل ميقلش انى مش بشتغل فارجوك روحنى فرحان و مبسوط و برزق حلو و عايز اروح بنفس الرقم الي قفل بيه زميلى امبارح و فعلا اليوم كان الشغل فيه ضعيف فجيت فى نص اليوم و قلت لابونا سمعان الانبا بولا لو ممكن ققفل النهاردة ٢٠٠ دولار او اكتر شوية و اوصل لنفس قلى زميلى امبارح وصله و فعلا بعد كده كان فيه شغل كويس قوى و مش هتصدقوا وصلت لل ٢٠٠ دولار و عديتهم كمان و عديت الرقم قلى وصله امبارح علشان تعرفوا ان ابونا سمعان الانبا بولا سريع الندهة و مش بيرد حد ابدا غير لما بيحققله طلبه انا بجد فرحان قوى انى عرفت اب و اخ اكبر ذى ابونا سمعان الانبا بولا و فى نهاية اليوم شكرت ربنا يسوع المسيح له كل المجد على كل حاجة بيعملهالى بشفاعات و صلاوات ماما العدرا و ابونا سمعان الانبا بولا و ابونا فلتاؤس السريانى و الانبا تكلا و رئيس جند السماوات الملاك ميخائيل و مارجرجس و ابو سيفين و تماف ايرينى و القديس ابسخيرون القلينى و الامير تادرس الشطبى و مارمينا و البابا كيرلس السادس و البابا شنودة الثالث و الانبا كاراس السائح و الانبا نفر السائح و الانبا ابرام اسقف الفيوم و الجيزة و الانبا توماس السائح و القديس يوحنا المعمدان و كل القديسين و القديسات و الملائكة . اطلبوا دائما ابونا سمعان الانبا بولا سريع الندهة فى كل امور حياتكم و رب المجد يسوع المسيح يستجيب لصلواته عنكم فى كل حين امين