شفاعة ابونا سمعان حلت المشكلة بعد سنة ونصف

لِيُرْسِلْ لَكَ عَوْنًا مِنْ قُدْسِهِ، وَمِنْ صِهْيَوْنَ لِيَعْضُدْك(مز 2:20

ارسلت احد اعضاء الجروب ابونا سمعان تقول

انا اول مرة اسمع عن ابونا سمعان كان عن طريق الجروب ده ومن قصته حاسيت انه حد جميل اوى وشفيع قوى جدا وفعلا بدأت اطلبه كل ما اكون محتاجة حاجة سواء كبيرة او صغيرة مافيش حاجة طلبتها منه وماتنفذتش واحيانا قبل ما انطق الطلبة لمجرد اسمه يجى فى تفكيرى كنت بلاقى الحاجة ديه اتنفذت
.
منهم كان بطاقة والدتى اتسرقت وذهبنا لاستخراج بدل فاقد تعبنا جدا من كتر لغاية ما دوخونا فى السجل المدنى و مرة يقولولنا ان الورق ضاع وشوية يقولوا لنا الاسم خطأ صلحوا من القلعة وهكذا الحال لمدة عام ونصف حتى يوم من الايام ذهبت مع والدتى بنفسى وانا واقفة اسأل على البطاقة وقبل ما انزل اتشفعت ب أبونا سمعان ذهبت لاقيتهم بيسلمونى البطاقة.
وعمل معي عجائب كتيررر من هذا النوع
.
من كتر الحاجات اللى عملها معايا مش قادرة افتكر ايه ولا ايه ولا ايه.
بجد شفاعته عظيمة انا عمرى ما كنت اصدق ان فيه معجزات بالشكل ده بجد هيكون شفيعى طول عمرى واطلبوه كلكم فى اى ضيقة فى اى محنة هاتلاقوا معاكم سواء كبيرة او صغيرة مش هايسبكم.
بركة صلواته تكون معانا اجمعين
منقول