عجائب ابونا سمعان مع الطلاب

يحكى احد اعضاء جروب ابونا سمعان
انا بحب ابونا سمعان اوي وبشكر واحد صاحبي جدا ان في مرة وانا في امتحاني جه واعطي لي صورة ابونا سمعان وانا ما كنتش اعرفوا وقال لي اتشفع بيه وهو قديس جميل ولسه متنيح
و يومها وانا كان عندي مادة صعبة اوي اوي واتشفعت بيه وبركته كانت موجودة معايا في الامتحان وعدي علي خير مع اني ما كانتش مذاكرتي كتيرة وحلي كان قليل اوي لكن بركته كانت جميلة ومحبة ربنا كانت عظيمة

ودلوقتي انا في رابعة هندسة اشكر ربنا وكان عندى مادة صعبة اوى لنفس الدكتور وانا مكنتش مذاكر كويس وكنت مهمل فيها طول السنة لانها كانت صعبة لكن بركة ابونا سمعان والبابا كيرلس ومارمينا وتماف ايرينى والقديسة ريتا والانبا كاراس كانت معايا والامتحان جه حلو واشكر ربنا حليت
اشكر ربنا انو بيجعل القديسين سبب بركة لينا
منقول