ابونا سمعان الانبا بولا مفرح القلوب

اشكرك ياربى يسوع المسيح على كل عطاياك و احساناتك علي انا الخاطى و الحقير.امبارح كان يوم الاجازة الاسبوعية و المفروض انى اعمل فلوس كويسة و انا عارف انى ضعيف جدا فى البيع فطلبت من ابونا سمعان الانبا بولا و قلتله انت عارف انى المفروض اعمل فلوس كويسة النهاردة علشان صاحب الشغل ميقوليش انى مقصر فى حاجة و قلتله روحنى فرحان ارجوك و اروح بفلوس كويسة صدقونى انا مكنتش ملاحق على الزبائن و كان يوم حلو اوى لدرجة ان صاحب الشغل كلمنى فى التليفون و قالى انت عملت حلو جدا و احسن من المولات التانية كمان بقيت مبسوط اوى ان لى شفيع مش بس بيشفع عنى امام رب المجد يسوع المسيح ده كمان خالانى اول و احد بين المولات بجد انا بشكر من عمق قلبى ماما العدرا و ابونا سمعان الانبا بولا و ابونا فلتاؤس السريانى و الانبا تكلا و رئيس جند السماوات الملاك ميخائيل و مارجرجس و ابو سيفين و تماف ايرينى و الامير تادرس الشطبى و القديس ابسخيرون القلينى و مارمينا و البابا كيرلس السادس و البابا شنودة الثالث و الانبا كاراس السائح والانبا نفر السائح و كل القديسين و القديسات و الملائكة . اطلبوا باستمرار ابونا سمعان الانبا بولا فى كل شيء رب المجد يسوع المسيح يفرح قلبكم بصلاوته و شفعاته عنكم دائما امين.