باشكرك ياربى يسوع المسيح على كل فيض احسانك علي انا الخاطى

انا متأخر فى كتابة المعجزة ديه . انا بشكر ابونا سمعان الانبا بولا على كل عطفه على انا الخاطى انا يوم الجمعة الي فاتت اول مارحت الشغل اتكلمت مع ابونا سمعان الانبا بولا و قلتله انت شفت ازاى صاحب الشغل كلمنى امبارح و قالى ان المفروض النهاردة الجمعة يكون الشغل كتير و قلتله ربنا يسهل و صدقونى بعد ما كلمت ماما العدرا و ابونا سمعان الانبا بولا وكل القديسين و القديسات و الملائكة و قلتلهم انتوا شفته صاحب الشغل قلى ايه فأرجوكم تسترونى قدامه و تخلونى اروح فرحان و مبسوط و برزق كتير و فعلا كان اليوم ده فيه كمية شغل مش ممكن تتخيلوها لدرجة انى مقعدش غير قليل قوى من زحمة الشغل وبعد كدة شكرت ربنا يسوع المسيح له كل المجد على كل خيره على انا الخاطى  بشفاعات و صلاوات ماما العدرا و ابونا سمعان الانبا بولا و ابونا فلتاؤس السريانى و الانبا تكلا و رئيس جند السماوات الملاك ميخائيل و مارجرجس و ابو سيفين و تماف ايرينى و القديس ابسخيرون القلينى و الامير تادرس الشطبى و مارمينا و البابا كيرلس السادس و البابا شنودة الثالث و الانبا كاراس السائح و الانبا نفر السائح و كل القديسين و القديسات و الملائكة . اطلبوا دائما ابونا سمعان الانبا بولا سريع الندهة فى كل امور حياتكم و رب المجد يسوع المسيح يستجيب لصلواته و شفعاته عنكم فى كل حين امين.