انا بشكرك يالهى و حبيبى و مخلصى يسوع المسيح على كل احساناتك على انا الخاطى

انا اتأحرت قوى فى كتابة هذة المعجزة انا بشكر ابونا سمعان الانبا بولا ان عمرى ما طلبت منه طلب إلا و استجاب لصلاتى بسرعة. انا يوم الحد الفات اول ما روحت الشغل قلت لابونا سمعان الانبا بولا انت عارف ان النهاردة يوم نهاية الاسبوع و المفروض اروح برزق كتير فاقلتله ارجوك خلينى اروح مبسوط و فرحان و برزق حلو علشان صاحب الشغل ميقولش انى مش بشتغل و فعلا كان يوم حلو و فعلا روحت فرحان ربنا بعتلى شغل حلو يوميها و روحت فرحان و مبسوط و برزق حلو قوى فى اخر اليوم  و شكرت ربنا يسوع المسيح له كل المجد على كل حاجة بيعملهالى بشفاعات و صلاوات ماما العدرا و ابونا سمعان الانبا بولا و ابونا فلتاؤس السريانى و الانبا تكلا و رئيس جند السماوات الملاك ميخائيل و مارجرجس و ابو سيفين و تماف ايرينى و القديس ابسخيرون القلينى و الامير تادرس الشطبى و مارمينا و البابا كيرلس السادس و البابا شنودة الثالث و الانبا كاراس السائح و الانبا نفر السائح و الانبا ابرام اسقف الفيوم و الجيزة و كل القديسين و القديسات و الملائكة . اطلبوا دائما ابونا سمعان الانبا بولا سريع الندهة فى كل امور حياتكم و رب المجد يسوع المسيح يستجيب لصلواته عنكم فى كل حين امين