تم تصليح التكيفات بأقل الامكانيات

abram الأربعاء أغسطس 07, 2013 5:28 pm

ببركة ابونا سمعان اﻷنبا بولا والست العدرا وقف معانا انهارده وصلح التكييف انا عايشة في بلد عربي وطبعا في الصيف الجو بيكون حر جدا فوق الوصف وكنا لسة شارين مكيفات منهم واحد باظ بعد اربع شهور وطبعا متقدرش نرجعه لانه مستعمل مش جديد وملهوش ضمان فكان لازم نصلحه وكنا خايفين انه مايتصلحش ونضطر نجيب واحد جديد وكان حيكون الوضع صعب لان كان علينا التزامات تانية وكنا لسه شارينه وغالي وكنت بصلي للرب بشفاعه ابونا سمعان انه يكون حاجه بسيطة ومتحتاجش لا فلوس كتير ولا وقت طويل وجبنا واحد يشوفه فقال انه مينفعش يتصلح ومكناش عارفين نعمل ايه وقلت لابونا سمعان اول مرة اتشفع بيك وماتقفش معايا وبعدها على طول اتصلنا بواحد تاني يجي يشوفه وطلبت من ابونا والست العدرا انه يتصلح وقلت انه لو اصلح حكتب المعجزة دي علي الفيس بوك وفعلا الراجل جه واتصلح ببساطة و سهولة كبيرة في 10 دقائق وكمان طلب مبلغ بسيط تمن التصليح شكرا ليك يا ابونا سمعان وصلولي كتير ان ربنا يديلي نسل صالح وربنا يتمجد معايا وانا حنشرها على البيج وكمان اروح ازور ابونا سنعان في الدير وابني معايا